പ്രിയ തോഴര്‍....................

"എല്ലാം ഒരുങി ഇനി കൂട്ടുകാരായി ആരെ വേണം"
പോരുനതിനു മുമ്പ് ദൈവത്തിന്റെ ചോദ്യം

എന്നു വരെ കൂടയൂണ്ടാവും എന്നു എനിക്കു
പൊലും പറയാന്‍ കഴിയാത്ത സന്തോഷമോ

കൂടെ കൂടിയാല്‍ എത്ര കണ്ടു സ്നേഹിച്ചു
കൊല്ലും എന്നറിയാത്ത വലിയ ദുഃഖത്തെയോ

അതൊ എന്നും വിശ്വസിച്ചു കൂടെ നില്‍ക്കുന്ന
കൊച്ചു കൊച്ചു ദുഃഖങളെയോ

ഇന്നും അവരെന്റെ കൂടയൂണ്ട് വലിയ വലിയ
സന്തോഷങളില്‍ ഞാന്‍ അഹങ്കരിക്കുമ്പോള്‍

നേര്‍വഴികാണിച്ചു എന്റെ പ്രിയ തൊഴരായി
ആ കൊച്ചു കൊച്ചു ദുഃഖങള്‍

ഞാനും.............. പിന്നെ ഞാനും.

ചെറുപ്പത്തിലേ ഞാന്‍ ഒരു മകളുടെ അമ്മയായി
മകളാണെങ്കിലും മകനായി വളര്‍ത്തി
അവന്‍ പെട്ടന്നു വളര്‍ന്നു

കൌമാരത്തില്‍ അവന്‍ എന്റെ കൂടെ എത്തി
എന്റെ പ്രിയ സുഹൃത്തായി
എല്ലാം അറിയുന്ന ഉറ്റ തോഴനായി

പിന്നെ യൌവനത്തിന്റെ പടികള്‍
കയറുബൊഴും പലതവണ വഴുതിയപ്പോഴും
അവന്‍ എന്റെ കൂടെ ഉണ്ടായിരുന്നു

പിന്നെ എന്റെ കൈ പിടിക്കാന്‍
മറ്റാരൊക്കെയ്യോ വന്നു
അവന്‍ മെല്ലെ എന്റെ കൈകള്‍ വിട്ടു

പതറാതെ പടികള്‍ കയറിപ്പൊകുബോഴും
അവന്‍ എന്നെ നോക്കി , എന്നെ വിളിക്കാന്‍
ശ്രമിച്ചു ഞാന്‍ അപ്പോഴേക്കും
ചാപല്യങ്ങളില്‍ വീണു കഴിഞ്ഞിരുന്നു

ഇന്നെനിക്കു അവനെ കാണാം
അവന്‍ അങ്ങുയരത്തില്‍ ഞാന്‍ എന്റെ
കൈകള്‍ അവനു നേരെ നീട്ടി
പക്ഷെ ഉയരെ നിന്നും
കണ്ണുകള്‍ കൊണ്ടു അവന്‍ പറഞ്ഞു
"ഇല്ല നിനക്കതിനുള്ള യോഗ്യതയില്ല"